သရုပ်ဆောင် မိုးယုစံက မိဘတွေ ချမ်းသာခြင်းထက် ကိုယ် ကိုယ်တိုင် ဦးဆောင်နိုင်မည့် ယောက်ျားမျိုးကို အိမ်ထောင်ဖက် အဖြစ် ပိုပြီး သဘောကျကြောင်း ဆိုသည်။
”အရင်တုန်းက ထက်စာရင် အခုချိန်မှာ လွတ်လွတ် လပ်လပ် နဲ့ စိတ်ချမ်းသာမှု အပြည့်အဝ ရှိပါတယ်။ မိုးယုကတော့ မိန်းကလေး တစ်ယောက် အနေနဲ့ အသက် ၂၇ နှစ် နဲ့ ၃ဝ ကြား အိမ်ထောင်ပြုမယ် ဆိုရင် အကောင်းဆုံး လို့ မြင်မိတယ်။ ကိုယ် ကိုယ်တိုင် ဦးဆောင်နိုင် မှလည်း ဘဝရှေ့ရေး အတွက် ကောင်းမှာလေ။ တချို့ ဆို ယောက်ျားလေး ဖြစ်ပြီးတော့ ယောက်ျားစိတ် မရှိတာမျိုးတွေ ရှိတယ်လေ။ တစ်ခုခု ဆိုရင် တာဝန် မယူရဲတာမျိုး။ အဲဒါမျိုးတွေ ရှိတယ်။ အဲဒီလိုမျိုးဆိုရင် သဘော မကျဘူး။ ကိုယ့်ကို ဦးဆောင်နိုင် ရမယ်။ ယောက်ျားလေး စိတ်ဓာတ် အပြည့်အဝ ရှိရမယ်။ ယူထားတဲ့ တာဝန်ကို ကျေကျေပွန်ပွန် လေး လုပ်နိုင်တဲ့ စိတ်မျိုး ရှိရ မယ်၊ စကားပြောတာက အစ ပြတ်ပြတ် သားသား ရှိရမယ်။ ကိုယ်တိုင်ကလည်း တည်တည် ငြိမ်ငြိမ် အေးအေး ဆေးဆေး တည်တည်တံ့တံ့လေး နေတတ်တော့ ကိုယ့်ရဲ့ အိမ်ထောင်ဖက် ကိုလည်း တည်တည်ငြိမ်ငြိမ် ပုံစံလေးမျိုး ဆိုရင် သဘော ကျတယ်”ဟု ၄င်းကပြောသည်။
”မိုးယု ရွှေမန်းပွဲမှာ ကခဲ့တဲ့ ဂျော်နီဝေါကား အကကိုတော့ Jade Dragon က သင်ပေးတယ်။ နိုင်ငံခြား အကလည်း ဖြစ်တဲ့ အတွက် တစ်ခါမှလည်း ကိုယ်က မကဖူးဘူး။ ပရိသတ် ကလည်း ကိုယ့်ကို မမြင်ဖူးဘူး ဆိုတော့ ပိုပြီး ဂရုစိုက် ဖြစ်ပါတယ်။ Jade Dragon ကလည်း သေချာလေး သင်ပေးပါတယ်။ ကိုယ်ကလည်း တစ်ခါမှ မက ဖူးတော့ မလုပ်ဖူးတာလေ။ လုပ်ရတော့ ကျေနပ်မိပါတယ်။ အနုပညာရှင် ဆိုတာက တစ်ခုတည်း မဟုတ်ဘဲနဲ့ အားလုံးကို သိထားရင်တော့ အကောင်းဆုံး ပါပဲ။ မြန်မာ အက ဆိုလည်း မြန်မာ မိန်းကလေး ဖြစ်တဲ့ အတွက် နိုင်ငံခြား သွားတာပဲ ဖြစ်ဖြစ်၊ နိုင်ငံခြားသားတွေ နဲ့ တွေ့တဲ့အခါမှာ မြန်မာအက က ဖော်ပြလို့ အကောင်းဆုံး ပဲဟု မိုးယုစံ က ပြောသည်။
ဒါရိုက်တာသျှိုကြီး ရိုက်ကူးနေ တဲ့ 'လေပေါ်လွင့်တဲ့မိုးတိမ်' ဆိုတဲ့ ဇာတ်ကားမှာ ချစ်သုဝေက ဟိန်းဝေယံနဲ့အတူ ပါဝင်သရုပ်ဆောင်ထားပါ တယ်။ ဒီဇာတ်ကား ထဲမှာ ချစ်သုဝေက သူဌေးသမီးတစ်ယောက်အဖြစ် ပါဝင်သရုပ်ဆောင်ထားပါတယ်။ ဒီ ဇာတ်ကားလေးက အချစ်ဇာတ် ကားလေးပဲဖြစ်ပါတယ်။သြဂုတ်လ ၁ဝရက်နေ့ မှာ ကျရောက်တဲ့ မွေးနေ့မှာ အရင်နှစ်တွေ ကထက် ထူးထူးခြားခြားလေးကိုယ့် ရဲ့အနုပညာကြေးငွေနဲ့ အလှူပြုခဲ့ရ တဲ့အတွက် တအားလည်း ပီတိဖြစ်ရ ပြီး အကောင် အထည်ဖော်ခွင့်ရတဲ့ အပေါ်မှာလည်း တအားကို ကြည် နူးရတယ် လို့ပြောလာတဲ့ ချစ်သုဝေက "လူမှုရေးအလုပ်လေးလုပ် တယ်။ အစ်မရဲ့ မိသားစုနဲ့ ချစ်တဲ့သူတွေနဲ့နေတယ်။ မနက်အစောကြီး ပိုင်းမှာတော့ ဘုရားကျောင်းသွားတယ်။ ဘုရားရှိ ခိုးတယ်။ ဒါတွေက ထရီဇာနှစ် တိုင်းလုပ်နေတဲ့ အလုပ်လေးတွေပါ ပဲ။ ထရီဇာ သြဂုတ်လ ၁ရက်နေ့က ပဲခူးမှာရှိတဲ့ ဘုန်းတော်ကြီးစာသင် ကျောင်းလေးတစ်ခုကို သွားခဲ့တယ်။ ပြီးတော့ ဒီနှစ်မှာတော့ သေသေချာချာလေးလှူမယ်ဆိုပြီး စိတ်ကူးဖြစ်တယ်။ အဲဒီကျောင်းကကားလည်း ဝင်လို့မရဘူး။ လယ် ကွင်းတွေဖြတ်ပြီး ရွံ့တွေနဲ့ သွားခဲ့ရတယ်။ ထရီဇာတို့လို လူကြီးတောင်မှ ခြေမျက်စိထိမြုပ်တယ်။ ကလေးတွေဆိုရင်သွားရေးလာရေး တအား ခက်ခဲတယ်။ ကလေးတွေက ဖိနပ်မစီးဘဲနဲ့ ဖိနပ်ချွတ်ပြီး ကျောင်းထဲကို သွားရတယ်။ ထရီဇာလည်း အဲဒီလိုမြင်ရတော့ တအားလည်း စိတ်မကောင်းဖြစ်ရ တယ်။ အဲဒါနဲ့ သေသေချာချာလေးလုပ်ပေးချင် တယ်။ ဘုန်းတော်ကြီးကျောင်းကို သပ်သပ်ရပ်ရပ်လေးဖြစ်သွားအောင် ပြုပြင်ပေးချင်တယ်။ ပြီးတော့လမ်း ခင်းပေးမယ်။ အခုက မိုးတွင်းဆို တော့ ဘုန်းကြီးကျောင်းဆောက်တာ ကတော့ သြဂုတ်၂ဝကျော်လောက် ဆိုရင် ပြီးမယ်။ ထရီဇာစသွားတဲ့ နေ့ ကတည်းက စပြီးဆောက်နေကြပြီ။ တအားလည်း ကိုယ့်ဘက်က လုပ်ပေးချင်တယ်။မိုးကုန်ပြီးစက်တင်ဘာလ ကုန်လောက်ဆိုရင်တော့ လမ်းစပြီး ပြုပြင်မယ်။ အဲဒါကိုတော့ ထရီဇာ တစ်ယောက်တည်း အပြည့်အဝလုပ်မယ်။ ဒီတစ် ခေါက်တော့ ကျောင်း ဆောက်ပြီးသွားရင် လမ်းဖောက်ပြီးသွားပြီဆိုရင် ထရီဇာက ဓာတ်ပုံလေး တွေနဲ့ အလှူ ရှင်တွေကို ဖိတ်ခေါ်မယ်။ ဒီနှစ်မွေးနေ့လေးက တစ် သက်လုံးက စိတ်ကူးခဲ့တဲ့ ထရီဇာ အတွက်တော့ ကြီးကြီးမားမားအလှူ လေးတစ်ခု လုပ်ဖြစ်သွားတဲ့အတွက် တအားလည်း ဝမ်းသာပီတိဖြစ်ခဲ့ရ တယ်" လို့ ဆိုပါတယ်။ချစ်သုဝေက မွေးနေ့မတိုင်ခင်မှာ စင်ကာပူကို တစ်ပတ်ကြာ ခရီးသွားခဲ့ပါတယ်။
